HOME

Kopisanangan,

Blog nopo diti nga sabaagi iso rujukan do tangaanak sikul pangaan kaapat om kolimo. Blog diti sinuat maya piipiro rujukan om nosokodung di Zandi Minah Sintian, pensyarah Bahasa Kadazandusun Universiti Pendidikan Sultan Idris (UPSI). Blog nopo diti nga sinuat do palajar minor Bahasa Kadazandusun UPSI. Alansan da do blog nopo diti nga milo monguhup do tangaanak di manganau do panaasan SPM. Pounsikou.

Sinurat di :

Ngaran	Nontodon
ERA DE SUNRISE SIMON	KAMPUNG NAHABA, KOTA BELUD
VELNNYE JOHN	KAMPUNG GENDUKUT, KOTA BELUD
KELLY BUNGIN@ROBERT	KAMPUNG TAGINAMBUR, KOTA BELUD
SOCCIA HANIAL	KAMPUNG BONGKUD, RANAU

Kotob Teks

Basao kotob id siriba om onuai sisimbar o pongudiaan sumusuhut.

                   Aiso suai nosorou ku nga turos di tama om tina ku hilo id walai. “Na, tusin maan nu mongoi sikul. Iti-iti nodii,” ka di ina ku pinoputunui tusin montok pamanau oku. Oilaan ku songkuro tudipon diolo mogihum tusin dii. Hinonggo gia pogihuman tusin do au pakalaja. Mororobuat no tinungkusan mantad di odu aki. Haro nogi tongomanuk di gompion om rapaon do tinanom nga montok no do akaanon sondii. Nung haro lobi pataranon no, nga amu songkuro o gatang.

            Amu oku nogi milo lumansan tusin mantad taka toi ko’ tabang ku tu’ yolo nga haro nodii paganakan sondii. Nokoturu romou ku soira osorou ku turos di ina om tama ku. Lolobi podii nung mokianu oku wagu diolo tusin tu’, au oku nakaanu PTPTN. Honggo di pogonuan diolo do tusin ponumad doho hiti. Wulan diti nung kitusin, momoli oku daa komputer Pentium 4, i kigatang do RM 1600.00. Suai ko’ iri, ogumu po bayaran ku. Poingkuro oku dii kotilombus nung aiso pomoli ku kosukup-sukupan balajal. Oinggorit makan sangadau doungkosuabon RM 2.00, makan dangadau RM 3.50, makan dongotuong RM 3.50. Komoyon sangadau, sokuukuri no RM 9.00. Sonwulan RM 270.00. Montok makan nogi iri, au po kohompit i suai. Odoi, koinggolou tulu om kopusok do momusorou! Kolungguyan ku mompus-ompus.

            Kumaa di tama, ina om tobpinai di kalangadan ku id kampung, okuro-kuro kou no hino? Alansan oku osonong-sonong kou papanau kalaja sangangadau. Kada kou tongob momusorou doho. Osonong-sonong oku do hiti. Haro daa koliwangan diti wulan kolimo rumikot, nga amu oku kaanto kouli diti tu ogumu kalaja sikul do wonsoyon ku. Langadon tomod oku dikoyu hino id kampung. Logot-logoton dikoyu mongihang panatakan, morobuat om mananom parai. Tabi langad mantad doho. Tanak nu, Wina.

(Nanu mantad potikan suniba Waya Koposion. Sinurat di George Gumpah Id suang panaasan PMR BKD 2010)

1. Nunu tema di kosudong montok kotob diti?

2.Maya pomusarahan dikoyu, poingkuukuro o piromutan di Wina om molohing dau. Onuai kotolinahasan.

3. Onuai do rati nunu komoyon do ayat diti tumanud kotob id sawat.

  ‘Odoi, koinggolou tulu om kopusok do momusorou! Kolungguyan ku mompus-ompus.’

4.Patayado duo (2) ponontudukan di oponsol i poinsuang id surat di Wina. Mantad ponontudukan diti, potolinahaso poingkuukuro yokoyu do mongaplikasi ponontudukan diri id suang koposion.

5. Patayado tolu (3) woyo toluud di nanu dikoyu mantad kotob diti? 

6. Sokiro aiso goos di Wina do mogihum tusin, tonduai kobolingkaangan di aanu dau.

7. Sabaagi songulun palajal, potolinahaso’ duo (2) goos di milo dikoyu mangan wonsoyo montok monguhup do papagaan do  binabo do molohing?

Skema sisimbar Kadazandusun

Skema do ponimbar.

Skema do ponimbar.

1.Tema nopo di kosudong montok kotob teks dii nga:

i.Piupusan id paganakan.

ii.Waya koposion sabaagi songulun palajal.

2.Sopisorou om sopiadul tiso om tiso.

3.Atangkabo ginawo do momusorou pogihuman do kousinan montok balanja do sumikul.

4.Ponontudukan di toponsol:

  i.-Kohondom kasaasari do molohing om tobpinai

 -Kohondom kasari soira kopinsodu.

 ii.-Monorimo kowowoyoon di paganakan poingkuro pia kinosusaon.

  -Amu tumogod soira amu kapanahak molohing do tusin.

5.Woyo toluud nopo di aanu mantad kotob dilo nopo nga:

 i. mongikit-kikit do tusin

 ii. mamadul kumaa paganakan

 iii. piupusan id suang paganakan

6.–koundorong do sumikul hilo universiti.

   -aiso kosusukupan dau do mangakan om kousuk yau.

7.–kumalaja ontok timpu toliwang